香港新浪網 MySinaBlog
« 上一篇 | 下一篇 »
Dozy.第一桶金 | 19th Aug 2016 | 一般, 財富@投資世界 | (8687 Reads)
  屋企樓下就有展銷會,仲要係矚目大盤「Grand Yoho」,點可以唔捧場,同朋友食完Tea,就齊齊去趁熱鬧。嘩!真係好熱鬧,望一望手錶,只係四點鐘,明明係返工時間,點解會咁多人?打三轉蛇餅先上 到去,如果沒有代理事先排隊,要排30至40分鐘,代理話今日第一日開示範單位,收飛已經收到爆,係咪真係咁筍?

PicturePicture


Picture

價錢(★★★★)
  新樓與新樓比較…新地樓,長實價!同樣是西鐵站上蓋新樓盤,去年推出的朗屏站上蓋項目,長實的「世宙」現時平均呎價約1.2萬,旁邊嘉華的「朗屏8號」平均呎價約1.15萬,位置稍遜,位於元朗工業邨內,新地的「映御」平均呎價不到1.1萬。今次「Grand Yoho」開盤,首批平均呎價折實不到1.2萬,與「世宙」相若。
  新樓與二手比較…三期樓,二期價!二期「Yoho Midtown」近期成交呎價約1.2萬,三期「Grand Yoho」呎價亦是1.2萬,當然元朗地大物博,如果你問…有沒有樓價更平的二手樓?一定有!全港19區有沒有更好的選擇?一定有!然而就與附近新盤比較,與附近同系列二手樓比較,「Grand Yoho」開價確實有競爭力。

Picture
 
位置(★★★★)
  如果覺得「Yoho Midtown」距離西鐵站僅一條行人天橋之隔,交通方便,那麼元朗站上蓋的「Grand Yoho」就更方便。以生活配套來說,朗屏站比較靠近大馬路的中心點,發展比較成熟,然而隨着Yoho Mall開幕,相信很快就會成為新的核心。

PicturePicture

間格(★★★)
  首批單位間格只有兩房及三房,面積最細的有498呎,最大的有798呎,分別有小兩房、大兩房、兩房連儲物室、三房、三房一套、三房一套連儲物室等,示範單位所見,儲物室內有冷氣,亦有廁所,可以做工人房,而且挺寬敞。樓底也很高,空間感不俗,不過廚廁、電器的用料就一般。最近市場上幾個熱賣樓盤都以細則、Lump Sum細主打,但今次則沒有一房、沒有開放式,Lump Sum確實比較大,兩房入場費約530萬起,三房入場費約780萬起。

PicturePicturePicturePicturePicturePicturePicture

配套(★★★★★)
  先講商場,筆者亦有朋友住在「Yoho Midtown」,之前好幾次去探訪,都埋怨為甚麼商場還沒有開,唔知係咪想等埋「Grand Yoho」,今次項目會將幾期商場連在一起,再加上完成翻新的新元朗中心,以新地經營商場的經驗,相信很快就會成為消費熱點。
  再講會所,筆者之前到「Yoho Midtown」參加朋友的Pool Side Party,已經覺得會所設施很不錯,「Grand Yoho」的會所更大,代理說有6個泳池,大家可以細心數數,有兩三個連接泳池的宴會廳及燒烤場,另外有餐廳,有罕見的全場籃球場、戶外證婚場地,服未?

PicturePicturePicturePicturePicture

Terms(★★★☆)
  今次的項目樓花期約7個月,明年年初就可以收樓,相比近日推出的新盤,動輒要兩、三年已經好好多。付款方法,眼花瞭亂,多到有點頭暈。隨便看看,除了即供、建期等比較簡單的付款方法,還有120%按揭計劃,目標對像是換樓客,又有Yoho 36、Yoho 30 Plus等計劃,針對現正租樓住、現正供樓的準買家;又有送DSD、送BSD等計劃,針對投資客,務求一網打盡。不過就是沒有以往的包借,即使有備用一按,亦要看你的總收入是否夠供樓的兩倍,亦會看你的正面信貸資料庫,審批雖然比較寬鬆,但始終比不上包借。

PicturePicture

總結
  朋友說:「你都讚得幾勁喎!」確實縱觀上述各項條件,如果你喜歡大西北,與區內的新盤、半新盤比較,「Grand Yoho」性價比的確甚高,淨係睇個會所、商場,都Feel到自住應該會幾正!
  當然亦會有朋友問如果用作投資如何,先講租金回報,以旁邊的「Yoho Midtown」作參考,600多萬的兩房單位,市值租金約1.3至1.4萬,市區一個400多萬的單位已經可以做到了!再講升值潛力,區內未來供應多,樓價會受壓,情形就像今次「Grand Yoho」開盤,由於要賣的伙數多,開價不敢太進取,貼「Yoho Midtown」開價,更有報導說,有二手業主被嚇到即時封盤,未來元朗仍然會有不少供應,同樣的情況難免會再發生。幸好今次是西鐵上蓋,數量有限,相比其他週邊的新式屋苑多了一點價勢。如果懂得在市區尋寶,當然是市區好,但如果不太熟悉樓市,諗唔到買乜,還是值得入票的!

★★ cMoneyHome 睇新樓活動及分享會 ★★
cMoneyHome Ann 將會約埋大家一齊去睇新盤,仲有分享討論,睇,睇啱就齊齊入飛,如有興趣的朋友可以 PM 本人。

★★ cMoneyHome 上車買樓。樓轉命運三小時 ★★
又住又賺上車書作者親自分享!你想 30 歲前有樓收租嗎?想財務自由嗎?上車買樓真係咁難?點解咁多人買到樓?買樓唔使供?有樓又唔使做樓奴?點先做得到?
7月爆滿,8月26日新班 ➤ http://bit.ly/1sefUSQ

更多圖片 www.facebook.com/groups/daydaycchouse 天天都是睇樓天
更多精彩文章 www.facebook.com/anthony.wealth 第一桶金
留言(0) | 引用(0) | 話題(地產)